វិធី​ងាយៗ​បំបាត់​​​អាល្លែកហ្ស៊ីច្រមុះ ដោយ​មិន​បាច់​ប្រើ​ថ្នាំ

មនុស្សដែលងាយមានប្រតិកម្ម (អាល្លែកហ្ស៊ី ) នៅពេលដែលស្រូបយកអាលែហ្សែនចូលវានឹងបណ្តាលឲ្យអាល្លែកហ្ស៊ី ។ ប្រភពចម្បងនៃអាល្លែកហ្ស៊ីបង្កឡើងដោយលម្អងផ្កា លម្អងពីដើមឈើ និងស្មៅ ដែលបានរីករាលដាលតាមរយៈខ្យល់។

អ្នកដែលទទួលរងផលប៉ះពាល់នៃប្រតិកម្មអាល្លែកហ្ស៊ីទាំងនេះនឹងបណ្តាលឱ្យហៀរទឹកភ្នែក រមាស់បំពង់ក និងរលាក។ ក្នុងករណីខ្លះប្រតិកម្មទាំងនេះអាចប្រែទៅជាការរលាកច្រមុះដោយអាល្លែកហ្ស៊ី ធ្វើឲ្យយើងកណ្តាស់ពេញមួយថ្ងៃ។
ការរលាកច្រមុះដោយអាល្លែកហ្ស៊ីបណ្តាលឲ្យរលាកស្រទាប់ច្រមុះដែលបង្កើនប្រតិកម្មចំពោះការដកដង្ហើមចូល។ មនុស្សភាគច្រើនដែលមានអាល្លែកហ្ស៊ីរលាកច្រមុះងាយនឹងទទួលរងអាល្លែកហ្ស៊ីលើភ្នាសរបស់ភ្នែកដែលបង្កឲ្យរលាក ( Allergy conjunctivitis )។ វាក៏អាចបង្កឲ្យមានរោគសញ្ញាមួយចំនួនកើតឡើងដូចជា ឈឺក ក្អកស្ងួត ឈឺក្បាល អស់កម្លាំង ល្អិតល្ហៃ និងឡើងស្នាមខ្មៅជុំវិញភ្នែក។ លើសពីនេះទៀត អាល្លែកហ្ស៊ីរលាកច្រមុះអាចធ្វើឲ្យមានរោគសញ្ញានៃជំងឺហឺតកាន់តែអាក្រក់។

ដូច្នេះ ក្រៅពីការប្រើប្រាស់ថ្នាំប្រឆាំងអាល្លែកហ្ស៊ី តើមានវិធីអ្វីផ្សេងទៀតដែលអ្នកអាចធ្វើបានដើម្បីបំបាត់ការអាល្លែកហ្ស៊ី រលាកច្រមុះឲ្យមានប្រសិទ្ធិភាព?

វិធីដែលល្អបំផុត គឺប្រើប្រេងខ្យល់ដែលមានច្រើនមុខដោយមានផ្ទុកសារធាតុ camphor menthol cloves និងប្រេង Eucalyptus។ ខាងក្រោមនេះ គឺជាវិធីបន្ធូបន្ថយអាការអាល្លែកហ្ស៊ីច្រមុះ បានយ៉ាងឆាប់រហ័ស៖

- កំដៅទឹកឲ្យក្តៅ ហើយចាក់ចូលក្នុងចានគោម
- លាបប្រេងខ្យល់នៅក្រោមរន្ធច្រមុះសងខាង
- គ្របកន្សែងនៅលើក្បាល
- បិទភ្នែក ហើយឱនមុខរបស់អ្នកទៅចានទឹកក្តៅនោះ
- ស្រូបយកចំហាយទឹកក្តៅនៅក្នុងចាន រហូតដល់ផ្លូវដង្ហើមរបស់អ្នកលែងតឹង